宝贵的生命

作曲 : 阿曲贡保当智

作词 : 夏多仁桑^[1]

ཚེ་སྲོག་གི་ཁ་ཟས།

གཞས་ཚིག ཨ་རིག་དགེ་ཆོས

གཞས་གདངས། བསང་གསེར་མིག

གཞས་མ། ཧོར་གཙང་ལྷ་ལུང་མཚོ།

རང་དབང་ཞི་བདེ་གླེང་བའི་མི་རིགས་ཚོ།།

འདྲ་མཉམ་ཐོབ་ཐང་སེམས་ཅན་ཀུན་ལ་དགོས།།

གཅིག་ཤ་གཅིག་གིས་ཟ་བའི་སྲོལ་རྒྱུན་དེ།།

དྲང་བདེན་གནས་ལུགས་ལྡན་ནམ་བསམ་བློས་དཔྱོད།།

རང་གི་ཚེ་སྲོག་གཅེས་ཤིང་ཕངས་པ་ལྟར།།

གཞན་གྱི་ཚེ་སྲོག་རང་དང་གཅིག་མཚུངས་ཡིན།

དེས་ན་ཉམ་ཆུང་དུད་འགྲོའི་གཅེས་པའི་སྲོག།

ཡོད་ཚད་བཟའ་བར་རུང་ངམ་མི་བུ་ཚོ།།

ཨ་ཧ་ཧ……ཨོཾ་མ་ཎི་པདྨེ་ཧཱུྃ་ཧྲཱིཿ

དམར་ནག་ཁྲག་མཚོ་ཁོལ་མའི་བཤས་ར་ན།།

ཉམ་ཆུང་དྲིན་ཆེན་མ་ལོའི་གཅེས་པའི་སྲོག།

གསོན་རྐེ་གྲི་ཡིས་བཅད་པའི་ན་ཟུག་གིས།།

སྡུག་གི་སྨྲེ་ངག་འདོན་པ་བཟོད་ནུས་སམ།།

འདི་ནི་ཉམ་ཆུང་དུད་འགྲོའི་མགྲིན་ཚབ་ཡིན།།

འདི་ནི་རྣམ་དག་སེམས་ཀྱི་བདེན་གཏམ་ཡིན།།

འདི་ནི་ལྷག་བསམ་གཙང་མའི་འབོད་སྐུལ་ཡིན།།

འདི་ནི་འཚེ་མེད་ཞི་བདེའི་ལམ་སྟོན་ཡིན།།

ཨ་ཧ་ཧ……ཨོཾ་མ་ཎི་པདྨེ་ཧཱུྃ་ཧྲཱིཿ^[1]